SIEKTES SINK HOM NIE
In Februarie vanjaar was Caylon Botha (31) van Plettenbergbaai in die WesKaap pas afgestudeer as verpleër en het ’n splinternuwe werk by ’n hospitaal begin. Sy drome was uiteindelik besig om ’n realiteit te word. Al die bloed sweet van jare se studies was besig om vrugte af te werp, en hy kon die beroep betree waaroor hy vir jare nog net kon droom.
Maar wat veronderstel was om die begin van ’n nuwe hoofstuk te wees, het vinnig in ’n nagmerrie ontaard toe Caylon op 3 Februarie in die hospitaal opgeneem is en meegedeel word dat daar ’n groeisel op die optiese senuwee aan die linkerkant van sy brein is.
En 3 Februarie was maar die derde dag van sy indiensneming in sy heel eerste en nuwe verpleegpos…
Caylon het op dié dag begin siek voel en die nuus wat hy in die daaropvolgende dae ontvang het, is nuus wat enigiemand se wêreld inmekaar kan laat tuimel. Ná verskeie ondersoeke is bevind hy het vyf groeisels – drie op sy brein en twee op sy ruggraat.
TOESTAND VERERGER
Sy diagnose sou later net erger word, want tydens sy gesondheidstryd wat reeds etlike maande voortduur, moes Caylon al weer leer loop. Hy het ook gesigverlamming ervaar; is met ’n vergrote hart gediagnoseer, en die groot K het ook sy
