GLÁD NIE ’N ‘MINI-ME’
‘EK DINK ELKE MA MET ’N DOGTERTJIE DROOM OOR ’N KLEIN MINI-ME. MAAR SKYE HET OP TWEE AL SELF BESLUIT WAT SY WIL DRA’
EEN van die twee brunette herken jy dadelik: Dis Suzette van der Merwe, een van die gewildste Mej. Suid-Afrika-wenners ooit. Die skoonheid aan haar sy is ’n nuwe gesig. Oftewel, so half ’n nuwe gesig, want daar is duidelik iets van Suzette in haar.
Maar wanneer jy wil opmerk hoeveel Suzette se dogter, Skye (20), wat vandag langs haar in ’n kuierplek in Kampsbaai sit, na haar trek, spring sy jou voor. Nee, haar dogter is baie beslis ’n vrou met ’n wil – en ’n styl – van haar eie.
Dis ’n paar dae voor die kroningsaand van die nuwe Mej. Suid-Afrika, waar Suzette die eerste keer sedert 1993 as ’n beoordelaar gaan optree. Skye gaan haar metgesel na dié glansgeleentheid wees.
