“Ek gaan hom vermóór,” hoor ek vanmôre ’n jong vrou deur haar tande sis.
Sy’s een van ’n groep mense wat gereeld smoors vroeg by die koffiekarretjie hier onder in Jannaschstraat saamdrom vir ’n kick start.
Dis ’n lekker ding, dié opwip-koffiekroegie – basies maar ’n Tuk-Tuk met ’n moewiese kafeïenmasjien agterop – wat sedert Covid-tyd ’n vaste instelling in my buurt geword het. Dese en gene kom vroemôre, sodra die kinders skool toe is, vir