AANHOUER WEN
OP 35 voel die meeste mense darem nog nie oud nie, maar in die rugbywêreld is dit ’n ouderdom waarop baie ouens daaraan begin dink om hul tokse weg te pak.
En tog voel die flank Deon Fourie op dié ouderdom beter as ooit. “Kinderlik opgewonde,” beskryf hy sy gevoel.
Sy goeie luim is te verstane – al is sy lyf nog vol pyne ná die veelbesproke Stormers-Bulle-eindstryd van die Verenigde Rugbykampioenskapsreeks waarin hy twee dae voor ons onderhoud ’n paar harde stampe gekry het. Deon het immers onlangs die nuus gekry dat hy tot die Springbokgroep verkies is.
Wanneer hy heel moontlik op 2 Julie in die eerste Wallis-toets vir die Springbokke
