Wat’s volgende
VERLEDE KEER
’n Geheimsinnige video is na Kaan se tronksel gestuur met details van sy pa se dood 25 jaar gelede, en Kaan het ingestem om met die polisie saam te werk, maar hy het voorwaardes gehad. Ilhan het ’n verrassingsbesoek van ’n ou werknemer gekry wat sy ooreenkoms met die Qatari-familie bedreig het.
IN DIÉ UITGAWE
Bahar kry skokkende nuus, Irem oorskry ’n grens waarvandaan sy nie weer kan terugkom nie, en almal is nuuskierig oor die vreemdeling in die snyerspak. Die direkteur skort die saak op, Mujde besluit om elders na antwoorde te soek, en Ilhan kry ’n nuwe bevel van The Circle. Kaan en Cihangir werk op mekaar se senuwees en het ’n groot uitval, Irem kry ’n walglike boodskap, en Mujde wil haar waarde aan Iskender bewys voor sy afgedank word. Kaan kan Cemal dalk die deurbraak gee waarna hulle in die saak soek, maar The Circle hou die twee dop. In die nasleep van die moordbevel wend Mujde haar tot ’n onwaarskynlike bron van inligting en beskerming vir haar pa, en die polisie is op Cihangir en Kaan se spoor. Kaan het ’n noue ontkoming, en Kaan en Cihangir se lot is nou in Mujde se hande, maar dit kom teen ’n prys wat die twee mans dalk nie kan bekostig nie. Die wedloop om te keer dat The Tailor Iskender doodmaak is aan die gang, Kaan en Cihangir werk teen die tyd, en Iskender het dalk nie genoeg tyd om te ontsnap nie. Irem sit sy verwarrende tog voort, Bahar hoor van haar verlede, en Ilhan kry ’n besoeker wat Cihangir en Kaan se belangstelling prikkel. Cihangir en Irem stry as minnaars, The Circle kom te staan teen ’n mededinger, en Kaan neem sake in eie hande. Cihangir en Kaan kry later die opdrag om iemand te beskerm.
SPELERS (met stemakteurs waar beskikbaar): Adem Deniz Sen Hamzaoglu (Gideon Lombard) •Bahar Berkes Hazal Subasi (Joce Engelbrecht) •Cagatay Mehmet Yilmaz Ak (André Siebert) •Cemal Sandikci Ahmet Mümtaz Taylan (Deon Lotz) •Cengiz Erkmen Turhan Kaya (Royston Stoffels) •Chief/Atlan Demiroz Serhat Midyat (Rudy Visagie) •Cihangir Tepeli Serkan Çayoglu (Wilhelm van der Walt) •Gulay Tepeli Funda Ilhan (Guilma Stander) •Emrah Firinci Onur Gürçay •Halit Muzaffer Ugur Uzunel •Humeyra Karabulut Nazan Kesal (Susanne Beyers) •Ilhan Tepeli Burak Sergen (Pierre Viljoen-Neethling) •Irem Muzaffer Dilan Telkok (Mieke van Zyl) •Iskender Akay Umut Karadag •Kaan Karabulut Kaan Yildirim (Jumaine Hansen) •Mujde Akay Hande Erçel (Helena Baard) • The Tailor/ Terzi Erdal Yildiz (Marvin-Lee Beukes)
VERLEDE KEER
Dr. Tanju moes ’n moeilike besluit neem, en dr. Ali het sy bes gedoen om met dr. Nazli vrede te maak en aan te beweeg. Beliz en dr. Ferman het ’n groot uitval gehad, en drs. Doruk en Demir het oor ’n pasiënt se behandeling vasgesit.
IN DIÉ UITGAWE
Dr. Ferman en dr. Ferda se spanne kry ’n onverwagte oplossing vir hul pasiënt se probleme, dr. Ali besef Ezo het hulp nodig, en dr. Demir gee dr. Doruk goeie raad. Ferman en Ali het geheime nuwe chirurgiese prosedures, dr. Nazli doen iets gaafs vir ’n pasiënt, en Demir en Doruk voel hulle word oor die hoof gesien in hul onderskeie operasies.
Dr. Nazli kry Ezo in dr. Ali se woonstel, ’n gewone vlug verander in ’n nagmerrie wanneer die passasiers aan boord siek word, en Ali, dr. Ferman en Nazli sukkel in moeilike omstandighede op die vliegtuig met al die pasiënte. Drs. Demir en Doruk kry hulp met Mustafa uit ’n onverwagte bron, Nazli, Ferman en Ali moet die hele tyd nuwe noodgevalle op die vliegtuig behandel, en Demir en Doruk se glorieoomblik is van korte duur.
Dr. Ferman kry goeie nuus, maar dit stort in duie en daar is verpletterende gevolge, en drs. Demir, Doruk en Nazli maak ’n onverwagte ontdekking. Ezo probeer dr. Ali help en beland in die moeilikheid, Demir, Doruk en Nazli span saam al voel hulle hulle is oor die hoof gesien, en later doen Demir, Doruk en Nazli alles in hul vermoë om ’n lewe te red.
Dr. Ali stort ineen tydens die operasie wat hy alleen doen, dr. Tanju wil ’n finale besluit neem oor die assistente, en wanneer die assistente opdragte kry, besluit hulle om Tanju teen te staan en
