Veeartse gaan veeboere ‘maak of breek’
Op die onlangse kongres van die Herkouerveterinêre Vereniging van Suid-Afrika (Ruvasa) se kongres wat in Gqeberha aangebied is, het mnr. James Blignaut, tans lid van die wetenskaplike paneel van die Wêreldboere-organisasie, opgemerk dat die name van die mense wat die samelewing aan die gang hou, dikwels onbekend is, soos dié van veeartse.
“Wanneer jy na die voorblad van Landbouweekblad kyk en die bul of ram daarop bewonder, weet ons baie van die dier af, maar nie die naam van die veearts wat verantwoordelik is vir die gesondheid van die dier nie. Hulle is die pilare van die samelewing.”
Mnr. Gerhard Schutte, voorsitter van die Rooivleisprodusente-organisasie (RPO) en die nasionale dieregesondheidsforum, het beklemtoon dat sy bedryf nie sal kan vorentoe gaan sonder veeartse wat dit ondersteun nie.
“Julle is die ruggraat van biosekerheid op plase. Maar ons benodig jul bydraes ook op nasionale en provinsiale vlak. Ons benodig jul kennis en julle kan gerus wees dat die gemeenskap opkyk na jul leierskap en om vir
