SMUL AAN KAAS
Twee kaasplase lê byna langs mekaar op die R712 na Bethlehem. Baris Monger is 12 km van die dorp af, en Noah’s Cheese lê 6 km verder op ’n grondpad.
Baris Monger gebruik bokmelk en sy Vliedermaus-kaas, genoem na die familie se staffie, het ’n paar toekennings by die Suid-Afrikaanse Suiwelkampioenskapsbyeenkoms gewen. Probeer ook gerus die roomys wat met koeimelk en room gemaak word: die kampvuurgeur bevat malvalekkers, sjokoladesous en gekaramelliseerde suiker. Hier is ook ’n gastehuis op die plaas.
Oop Woensdae tot Maandae
