BESPAAR MET BOTTERSKORSIE

BOTTERSKORSIEEN-BOKMELKKAASLASAGNE

GENOEG VIR 8 MENSE

BEREIDING EN GAARMAAK: 3 UUR

◗ 3,4 kg botterskorsies, in die lengte gehalveer (sien wenk)
60 ml (¼ k) olyfolie, plus ekstra
◗ sout en peper, na smaak
◗ 4 middelslagpreie, in dun skywe gesny
◗ 4 knoffelhuisies, fyngedruk
◗ 2,5 ml (½ t) fyn neutmuskaat
◗ 1 kg ferm ricottakaas
◗ 3 eiergele
◗ 5 ml (1 t) fyngerasperde suurlemoenskil
◗ 100 g fyngerasperde parmesaankaas
◗ 250 ml (1 k) room
◗ 60 ml (¼ k) fyngekapte vars salieblare
◗ 22,5 ml (1½ e) fyngekapte vars grasuie
◗ 6½ vars lasagnevelle
◗ 150 g sagte bokmelkkaas

ROKETSLAAI

◗ 10 ml (2 t) suurlemoensap
◗ 5 ml (1 t) heelkorrelmosterd
◗ 22,5 ml (1½ e) olyfolie
◗ 100 g roketblare
◗ 60 ml (¼ k) pampoenpitte, gerooster

1 Voorverhit die oond tot 200 °C.

Pak die botterskorsiehelftes met die skilkant na bo in ’n groot oondpan. Bedruip elkeen met die olie en geur met die sout en peper. Bedek met foelie en bak 2 uur of tot baie sag. Laat afkoel. Verwyder die pitte en trek dan die skil weg. Werk in sarsies en plaas die botterskorsie in ’n groot sif oor ’n bak. Laat oortollige vloeistof dreineer en hou dit eenkant. Skep