t – teelepel/s e – eetlepel/s k – koppie/s
GEROOSTERDE TAMATIE-EN-MAAS-KAAS-EIERBAKKIES
GENOEG VIR 2 MENSE / BEREIDING: 10 MIN. / GAARMAAK: 15-20 MIN. / STAAN: 5 MIN.
GEROOSTERDE TAMATIES
◗ 30 ml (2 e) olyfolie
◗ ½ ui, fyngekap
◗ 250 g kersietamaties, gehalveer
◗ sout en vars gemaalde peper
EIERBAKKIES
◗ 60 ml (¼ k) room of melk
◗ ½ wiel fetakaas, gekrummel
◗ 2-4 eiers
◗ 60 ml (¼ k) gladde maaskaas
◗ 2,5 ml (½ t) komynsaad
VIR VOORSIT
◗ vars basilieblare
◗ roosterbrood
Verhit die lugbraaier tot 180 °C. Bespuit 2 klein oondbakkies of 2 ramekins goed met kossproei.
1 Geroosterde tamaties Meng die olie, ui en tamaties goed. Geur met die sout en peper en verdeel die mengsel tussen die bakkies.
2 Plaas die bakkies in die lugbraaier en rooster 5-10 min. of tot die tamaties begin bars.
3 Eierbakkies Verwyder die bakkies uit die lugbraaier en verdeel die room en fetakaas tussen die bakkies. Meng liggies. Breek ’n eier of twee in elke bakkie en skep die maaskaas bo-op.
4 Sprinkel die komyn oor en bak 10 min. of tot die eiers so gaar is soos jy daarvan hou.
5 Vir voorsit Laat die eierbakkies 5 min. staan. Rond af met die basilieblare en sit voor saam met die roosterbrood indien jy dit verkies.
FRANSE ROOSTER-BROOD MET NAR-TJIESKIL EN BESSIES
GENOEG VIR 2-4 MENSE / BEREIDING: 15 MIN. / GAARMAAK: 5-10 MIN.
FRANSE ROOSTERBROOD
◗ 3 eiers◗ 125 ml (½ k) melk◗ ’n knippie sout◗ fyngerasperde skil van 1 nartjie, lemoen◗ 30 ml (2 e) strooisuiker◗ 4 dik snye witbrood, suurdeegbrood of ciabattabrood