PROBEER OOK DIÉ KLEURE…
Uit die natuur
Adelai Alberts, ’n argitek van Mosselbaai, verwys graag na haar slaapkamer as haar woud-boudoir.
“Ons huis is in ’n eko-landgoed en omring deur lowergroen fynbos,” vertel sy. “Die hoofslaapkamer is ruim, met groot vensters en die mooiste uitsigte – wat my dadelik na ’n ryk, donker muurkleur gelei het.”
Hoewel groen vir Adelai die natuurlike kleuse was, het sy tog ’n paar monsters teen die muur geverf om die regte skakering te vind.
“Ons wou sien hoe die kleur in verskillende soorte lig van die oggend tot die aand verander om seker te maak dit sal die hele dag mooi lyk. Dit moes met die groene van die fynbos en veld, asook die blou van die lug en die see, saamwerk.
“Verder moes dit pas by die pragtige stuk Hertex-lap wat ek gekies het om die kopstuk mee oor te trek.”
Hierdie groen werk ook goed saam met die blomskildery deur Adelai se ma, Mari Vermeulen Breedt, een van die land se vernaamste skilders.
Die bed is 12 jaar gelede in Egipte gekoop en na Suid-Afrika verskeep; Adelai het dit in Tjhoko Paint Cloud White geverf. “Die wit staan mooi uit teen die smaraggroen,” sê sy. “Dit lyk skoon en vars.
“Uiteindelik het die kamer presies uitgewerk soos ek dit
