SUKSES IN ’N ‘MANSWÊRELD’
ANDER vroue vra my dikwels: Kan ek as ’n vrou alles hê én balans bereik, en kan ek dan ’n vervullende lewe lei? Die antwoord op die eerste is ’n besliste nee, maar op die tweede ’n besliste ja.
’n Man se lewe is meestal eenvoudig en liniêr. Tradisioneel staan ’n man soggens op met die verwagting dat sy ontbyt gemaak en sy hemde gestryk is. Hy gaan werk toe, waar hy sonder onderbreking kan fokus. Hy hoef hom nie te bekommer oor foonoproepe van die skool, onverwagte mediese afsprake of om ’n loodgieter te reël om die kraan reg te maak nie. Hy gaan huis toe na ’n warm maaltyd en ontspan met ’n glas wyn of ’n bier voor die TV.
Maar ’n vrou moet vele take tegelyk hanteer. Daar word verwag sy moet inkopies doen, die huis skoonhou, herstelwerk reël, oor die kinders en hul huiswerk toesig hou, skoolvergaderings bywoon, die kinders na partytjies en na-skoolse aktiwiteite aanry, vir oefening tyd maak, goed lyk, daardie hemde stryk, daardie maaltye kook, en dan moontlik steeds ’n loopbaan hê. Net die skryf daarvan put my uit!
As ’n vrou kan jy nie alles hê en balans bereik nie. Jy kan wel jou prioriteite kies. Wat is vir jou belangrik? ’n Loopbaan hê of ’n ma wees? Daar is geen verkeerde antwoord nie. Elke keuse bring belonings en opofferings.
Wanneer jy gekies het – as jy ’n keuse het, natuurlik – los
