HOKAAI NOU MET DIE WILDE ROLLE!
OP 19 was hy al ’n dwelmslaaf, prostituut, boelie en gesinsmoordenaar – en onlangs ook ’n bloeddorstige aanbidder van ’n natuurgodin in die Knysna-woude.
Darem nie regtig nie – net op die skerm.
Dis die soort rolle wat ’n uitdaging vir enige gesoute akteur sal inhou – wat nog te sê vir ’n doodgewone, “ordentlike plaaskind” pas anderkant sy kinderjare.
Selfs merkwaardiger is dat Alex van Dyk nog op die skoolbanke was toe hy met net beperkte dramaopleiding in sy donker karakters se vel begin klim het.
Vandag is Alex al ’n student, maar sy jongste karakter in die nuwe fliek is weer soos iemand uit ’n nagmerrie. Die karakter
