Die kuns van lekker leef
Skaars 14 km wes van Witrivier, op die Brondalpad, lê ’n kleinhoewe van 4ha knus tussen plase waar macadamias, avokado’s, suurlemoene en tilapia verbou word. Nadat jy deur die hek van The Artists’ Press is, verskyn ’n ateljee aan jou linkerkant. Dan ’n stewige dam, roerloos onder ’n blaredak. Versteek tussen die groenigheid staan die hoofhuis en Waterfield, die gastehuis… en ágter die gebou wag die paradys in die vorm van ’n vrugte-en-groentewoud.
“Ons het macadamias, pekanneute, mango’s, druiwe, piesangs, koejawels, granate, pynappels, stervrugte, appels, lietsjies, draakvrugte, kaneel en peperbasbome, om maar enkeles te noem,” rits Tamar Mason dit af terwyl Moya, die bruingestreepte windhond, en Lima, die nuweling, ons stertswaaiend inwag. Emma, die jack russell, en Doddo, die kat, is ou siele en is effens meer besadig.
“Ons plant watter groente ook al die seisoen in die Laeveld aard – omtrent die helfte van ons kos kom uit die tuin.”
Een van die redes waarom Tamar en haar ander helfte, Mark Attwood, Laeveld toe getrek het, was om meer volhoubaar te leef en “van die dolle gejaag van die Johannesburgse middestad” af weg te kom.
You’re reading a preview, subscribe to read more.
Start your free 30 days