KORTOM
■ Nadat sy in 2009 aanvanklik in ’n plaaskantoor-ontvangspos by die Canelandslandgoed begin werk het, help me. Tammy Williams nou om dié boerdery se piesangen makadamia-vertakkings te bestuur.
■ Williams steun op verskeie vertroude bronne – van gekwalifiseerde kundiges tot ervare plaaswerkers.
■ Met die bystand van ander mense ontwikkel sy ’n omgewingsvriendeliker bestuurstelsel vir plae en siektes in die piesangplantasies en makadamiaboorde.
LIGGING KWAZULU-NATAL
INLIGTING
Plaasligging:
Iqadi
Naam: Canelandslandgoed
Jy kan jou vroulikheid handhaaf en geniet – én pens en pootjies betrokke wees by die dikwels harde en vuil fisieke werk wat dit verg om boerderybedrywighede te bestuur. Só meen me. Tammy Williams (38), KwaZulu-Natal se Jongboer van die Jaar, die eerste vrou wat dié eerbewys in die provinsie ontvang. Die beoordelaars was veral beïndruk met haar vasbeslotenheid, wat blyk uit die feit dat sy alles wat sy nou van boerdery weet, van grondvlak af geleer het.
Williams is in 2009 in ’n ontvangspos aangestel op die Canelands-landgoed in die halflandelike distrik Iqadi, noord van Durban. Canelands bestaan uit verskeie individuele plase en in daardie stadium was suikerriet en piesangs die boerdery se hoofvertakkings.
As sy nou aan daardie tyd terugdink, sê sy laggend hoe vinnig basiese ontvangswerk in
