Geliefd & GESEËND
Kykers het haar leer ken as Laurenin die kykNET-sepie Suidooster en daarna het sy ons vasgenael gehou voor die kassie in Knap sekêrels.Meer onlangs het Lindsey Cele (28) diep in mense se harte gekruip as die dierbare en naïewe Chanel, ’n verpleegster met die vriendelike sprankel in haar mooi bruin oë in Binnelanders.
As boorling van Atlantis buite Kaapstad, is dit vir Lindsey (nee Abrahams) heerlik om deesdae in die Goudstad haar drome te bewaarheid, al erken sy sy mis die Kaap, en haar mense soms vreeslik.
“My pa is ’n pastoor en my ma werk vir die Universiteit Stellenbosch, so ek het in ’n baie Christelike huis en in die kerk grootgeword en ons was
