GRU-MOORDE RUKSTILDORPIE
Stilbaai, net bietjie meer as ’n uur se ry van Mosselbaai in die Wes-Kaap, is sinoniem met vakansie. Dis nie ’n plek wat jy noodwendig vereenselwig met wreedaardige moorde of ernstige geweldsmisdade nie. Maar op 14 Februarie vanjaar is dié dorpie geruk deur ’n ondenkbaar wrede voorval wat die lewens van ’n jong ma en haar babadogter geëis het.
En om hierdie pyn nóg seerder te maak, was dit die vrou se man en hul negejarige seun wat op hul lyke en ’n bloedbad afgekom het. Dis ’n toneel wat geen eggenoot of kind ooit moet sien nie. Maar vir Alfred Manho (36) en sy negejarige seun, is dit ’n nagmerrie-oomblik wat hulle waarskynlik vir ewig gaan herleef soos wat hulle die stukke van hul lewens moet probeer optel.
Alfred, ’n onderwyser op die dorp, en sy seun het op 14 Februarie omstreeks 16:45 die grusame ontdekking gemaak nadat hulle van die skool af by die huis aangekom het. Daar, op die kombuisvloer, het hulle Annemique (32) se bebloede lyk aangetref.
Almique, die paartjie se tweejarige dogter, se lewelose liggaampie is in ’n bad water gevind. Sy is glo eers verwurg.
Bure het daardie dag die Manho’s se seun se angsbevange gille gehoor en daarmee het die gemeenskap tot stilstand gekom. Hoe is dit moontlik dat so iets in hul midde kon gebeur? En erger nóg, wie sou so ’n gru-daad kon pleeg? Om ’n ma én haar tweejarige kind op een slag te vermoor? En boonop so wreed?
You’re reading a preview, subscribe to read more.
Start your free 30 days