DIE GOED VAN NEGATIWITEIT
DIT ALLES VERHOED DAT JY OPREG LEEF
JY BELEEF ’n nagmerrie van ’n dag: Jy het vanoggend met jou man baklei, jou baas het pas op jou geskel, jy’s bekommerd oor ’n siek familielid – en nou staan jy in ’n hysbak en ’n vreemdeling sê vir jou jy moet “glimlag”. Jy is lus om hom goed sleg te sê, maar besluit om eerder op sosiale media jou lot te bekla, want jou vriende sal sekerlik verstaan. Maar toe jy Facebook
oopmaak, loop die inskrywings oor van “inspirasie”. Oral deel mense bemoedigende sêgoed. Dit laat jou skuldig voel – en ook asof jy wil gil.
Want ons word om elke hoek en draai vertel om die negatiewe te ignoreer en slegs op die positiewe te fokus.
