GOOI MIELIES!
MIELIE-EN-TUNABAKKIES
Maak ’n baksel van dié mieliebakkies en bêre dit in die yskas vir wanneer die kinders rasend honger by die huis aankom.
LEWER 6-8 BAKKIES
BEREIDING: 30 MIN.
GAARMAAK: 35-40 MIN.
VULSEL
◗ 30 ml (2 e) olyfolie
◗ 1 ui, gekap
◗ 2 knoffelhuisies, fyngekap
◗ 2 wortels, in klein blokkies gesny
◗ 45 ml (3 e) meel
◗ 125 ml (½ k) melk
◗ 1 x 410 g-blik geroomde soetmielies
◗ 1 x 170 g-blik tunastukke, gedreineer
◗ 125 ml (½ k) bevrore pitmielies
◗ ’n hand vol pietersielie, gekap (opsioneel)
◗ sout en peper
◗ 2 eiers, geklits
BAKKIES
12 velle filodeeg
100 g botter, gesmelt
125 ml (½ k) gerasperde mozzarellakaas
Voorverhit die oond tot 180 °C. Bespuit 6-8 holtes van ’n groot muffinpan goed met kossproei.
1 Vulsel Verhit die olie in ’n kastrol en braai die ui, knoffel en wortels tot sag en geurig. Sprinkel die meel oor en meng deur.
2 Verlaag die hitte en giet die melk by. Roer aanhoudend en voeg die soetmielies, tuna, pitmielies en pietersielie by. Meng deur en geur met die sout en peper.
Verwyder van die hitte en laat heeltemal afkoel. Klits
