ONS DOEN TOE WEER ALS ANDERSOM!
OP ’N snikhete Saterdagmiddag vroeg in Desember hou ’n babablou Cadillac uit die 1960’s op die wynlandgoed teen die voet van die Langeberg stil.
Die son bak, en die sowat 100 gaste wat op wit stoele hier op die grasperk van die Zandvliet-landgoed buite Ashton sit en wag, het almal klein wit sambreeltjies in die hand om hulle koel te hou.
Eenkant sit die akteur Francois Jacobs, vandag die seremoniemeester en die man wat by was toe die eerste tree op die lang pad na hierdie oomblik destyds gegee is.
Anderkant sit die akteurspaar Ivan Zimmermann en Nadia Valvekens, en ook die veteraanakteur Albert Maritz.
Maar toe die bruid uit die blou Cadillac klim, is die hitte vergete en alle oë op net een akteur – die aantreklike Viljé Maritz (31), wat nes pa
