OOR die luidspreker kom die seuntjie se stem. “Pappa, is jy reg om vir mamma te sien? Hier kom jou bruid!”
Dan klink die klaviernote van Christina Perri se “A Thousand Years” op, en die vyfjarige Zavion en sy ma verskyn hand aan hand in die kapel se deur. In haar noupassende trourok met kantdetail en met haar lang blonde hare wat oor haar skouers kartel, is die sangeres Cordelia ’n prentjiemooi bruid.
Weerskante van die paadjie in die kapel by die Bell and Blossom-trouvenue in Pretoria sit 70 trougaste, elk formeel uitgevat in
