Sit aan vir ’n feesmaal
SPYSKAART
Rooibos-en-gemmerlim-mengeldrankie
Romerige steurgarnaal-en-appelslaai
*
Gerolde, gevulde varklies
Anyswortels
Bros baba-aartappels
Hoendersampioen-fillopastei
Gemarineerde groenteslaai
*
Suikerbekkie-koekstruif
Sjokoladesalami en koffie
ROOIBOS-EN-GEMMERLIM-MENGELDRANKIE
■ 250 ml sterk rooibostee
■ 10 ml heuning
■ Sap van 1 suurlemoen
■ 250 ml suikervrye gemmerlimonade
■ 1 bottel (750 ml) yskoue droë vonkelwyn
■ Roosmaryntakkies en granaatpitte, om af te rond
Verhit die rooibostee en heuning saam tot kookpunt en kook vinnig af tot dit met ongeveer die helfte ingedamp is. Laat afkoel tot kamertemperatuur, roer die suurlemoensap by en verkoel tot benodig. Meng die koue rooibosmengsel met die gemmerlimonade en skink sowat 45 ml daarvan in sjampanjeglase. Vul die glase met vonkelwyn (of met sodawater of limonade as jy ’n alkoholvrye drankie verkies). Rond af met ’n roosmaryntakkie en ’n paar granaatpitte en sit voor. Lewer ongeveer 6 drankies.
ROMERIGE STEURGARNAAL-EN-APPELSLAAI
Ek het hierdie lekker slaai op vars korserige Italiaanse brood voorgesit as peuselhappie voor ete, maar jy kan dit ook as ’n voorgereg op slaaiblare voorsit.
■ 2 middelslag-appels, geskil, ontkern en in baie klein blokkies gesny■ Halwe komkommer, in die lengte gehalveer, pitte uitgeskraap en in klein■ Vars suurlemoensap, om oor te sprinkel■ 30 middelslag-steurgarnale, skoongemaak
