NUWE DINGE
GESKENKE MET ’N GROEN HART
Waarom bederf jy nie vanjaar jouself of jou geliefdes met somerbykomstighede wat ook Moeder Natuur se belange op die hart dra nie? Die Wêreldnatuurfonds (WWF SA) verkoop ’n reeks plaaslik vervaardigde, volhoubare produkte waarmee jy hulle bewaringsinisiatiewe ondersteun en wat jou terselfdertyd aanmoedig om Suid-Afrika se natuurskoon te geniet. Al die produkte in die WWF SA-aanlynwinkel is op etiese of volhoubare gronde gekies en word van herwinde of herwinbare materiale gemaak. Dit sluit in stylvolle strandsakke, T-hemde van herwinde plastiek, silikoonstrooitjieswatjyooren oor kan gebruik asook kleurvolle herbruikbare waterbottels soos dié. Koop dit by shop.wwfsa.org.za.
KOSGIERE VIR 2022
Groente en gesonder koskeuses bly ’n groot kostendens in die nuwe jaar. Ook om kos te eet wat goed is vir jou, maar meer volhoubaar en beter vir die aarde is. Plantgebaseerde geregte is hier om te bly met ál meer mense wat vegetariese geregte kies of disse waarin vleis ’n sekondêre rol speel. Daar, suiwelvrye melksoorte, soos hawermout-, gort-, bokwiet-en verskillende soorte neutmelk, gaan al hoe gewilder word. Hawermoutmelk is die volhoubaarste danksy sy lae emissies en water-en grondgebruik. Nostalgiese smake wat ons herinner aan ons kinderjare en eenvoudiger tye, gaan gewild bly, en ’n kortkoppie daarna eksotiese warm speserygeure. Foto: istock/getty images
