NUWE DINGE
• NUWE WINKELS, DEKOR EN HANDWERK dala@ideasfactory.co.za
• KOS EN REST AURANTE ideasmagazinefood@gmail.com
NEROLI-LUUKSE
Die 30ste verjaardag van die ikoniese Franse droë olie NUXE word gevier met Huile Prodigieuse Néroli (R595), die eerste gesertifiseerd organiese produk in die reeks. Die lieflike geur van die botaniese olie is verslawend en streel die sinne met note van neroli (lemoenbloeiselolie), bergamot en lavandien (in die laventelfamilie). Dit bevat ook pruim- en organiese sesamolie vir ’n satynsagte sensasie op die vel. Gebruik dit op jou gesig, lyf en in jou hare.
DIE SEISOEN SE OORVLOED
Moenie die somerseisoen se sappigste pruime, perskes en nektariens misloop nie. Steenvrugte is ongelooflik veelsydig in die kombuis, propvol voedingstowwe, en op hul lekkerste as dit perfek ryp is. Toets dit deur die vrug liggies te druk. As dit steeds ferm voel, moet jy dit eerder terugsit in die vrugtebak (of in ’n papierkardoes vol gaatjies) en dit by kamertemperatuur laat lê om ryp te word. Sit die vrugte eers in die yskas wanneer dit heeltemal ryp is sodat jy dit langer vir ’n gawe verskeidenheid verleidelike resepte.
