RAM SOEK RUS
Ram vir ’n Rus word van 20 Oktober af op Woensdae om 20:00 op VIA (DStvkanaal 147) uitgesaai.
PROBEER die volgende sê: “ …”
Onmoontlik om die lettertjies te lees? Dis Russies vir “ek is lief vir jou”.
Sal een van die Suid-Afrikaanse manne wat van vandeesweek af voor die kameras na Russiese skoonhede vry eindelik by haar dié woorde hoor?
Miskien, want dié keer kom pronk Kupido al die pad uit die land van wodka, borscht en die Kremlin hier op eie bodem op die kassie.
Dan al weer ’n nuwe maatsoekreeks? vra jy. Wel, ja – maar een soos jy nog nie tevore gesien het nie!
Want die manne wat kykers in dié program gaan leer ken, vry nie na plaaslike vroue nie.
Hulle span hul nette sommer baie wyer.
