DIE DONKER KANT VAN EMIGRASIE
DAAR is ’n woord vir die seer wat daar in die verte in jou binneste kan kom sit nadat jy byna als wat jy ken en liefhet, moes groet.
“Emigrasiedepressie”. Dis die verlange na jou mense; die verlange na jou land; die verlange na die lewe wat eens joune was. En dinge is so anders as wat jy gehoop het dit sou wees.
Vir baie Suid-Afrikaners wat besluit om te emigreer bring dit wat hulle glo ’n uitkoms sou bied – die belofte van ’n nuwe toekoms in ’n land met minder uitdagings – soms ’n soort seer wat lank net nie wil wyk nie.
