DRIE ROKKE VIR ADÈ
DIT was die één glansryke skepping waarin ons Adè van Heerden nog nooit gesien het nie. Nie op haar kroningsaand in 2017 as die nuwe Mej. Suid-Afrika nie; ook nie op die verhoog by die Mej. Wêreld-kompetisie of by enige ander glansgeleentheid het die donkerkopskoonheid al ooit in ’n wit rok verskyn nie.
Nee, sy het besluit om daarmee te wag tot haar troudag. En toe daardie dag eindelik op Vrydag 8 Oktober aanbreek, slaan sy nie net die asem weg in een nie; sy dra sommer drie wit trourokke.
In ’n skepping van tulle en sy wat met pêrels en kristalle geborduur is, stap Adè (30) haar bruidegom tegemoet op hul Bosveld-bruilof by die luukse Mdluli Safari Lodge
