PROE DIE sonskyn!
Lemmetjie-en-klappertert
Dié mooie tert gaan net soveel harte steel soos die klassieke suurlemoenmeringue.
Maak 1 x 25cm-tert Voorbereiding: 20 minute Baktyd: 25-30 minute Oondtemperatuur: 170 °C
• 1 pakkie (200g) sjokolade-semelbeskuitjies, fyngekrummel
• 100g botter, gesmelt
VULSEL
• 1 blik (385g) kondensmelk
• 4 eiergele
• 180ml klappergegeurde volroomjogurt
• gerasperde skil van 2 lemmetjies
• 125ml lemmetjiesap
• 5ml rumgeursel (opsioneel)
GARNERING
• klapperskaafsels, Switserse meringue (sien wenk), bessies, eetbare blommetjies en mentblare
1 Voorverhit die oond. Meng die koekiekrummels en die botter en voer ’n tertbak daarmee uit sodat dit ’n dun kors vorm. Hou in die yskas tot nodig.
2 Klits nou die kondensmelk en eiergele saam vir ’n paar minute. Voeg die res van die vulselbestanddele by en klits tot lekker dik.
3 Giet die vulsel in die voorbereide kors, smeer effens gelyk en bak vir 25-30 minute of tot net ferm. Haal uit die oond en laat afkoel. Die tert moet goed koud wees voor jy dit versier.
4 Rangskik die klapperskaafsels in rosies op die vulsel. Skep die meringue in ’n spuitsak en spuit rosette. Rooster die klapper en meringue liggies met ’n blaasvlam en voltooi die prentjie dan met die bessies, blommetjies en mentblare.
Wenk Spaar tyd deur gekoopte gaar skuimpies tussen die ander versierings oor die tert te krummel.
Kaaskoek-brownies
As jy gewoonlik nie tussen sjokoladekoek
You’re reading a preview, subscribe to read more.
Start your free 30 days