VULLENDE VLEIS
KERRIEKLAPPERVARKKEBABS
As jy van ’n vleisgereg met ’n bietjie byt hou, is dié kebabs met tabasco so reg in jou kraal.
LEWER 6 KEBABS
BEREIDING: 10 MIN.
MARINEER: 1 UUR
GAARMAAK: 25 MIN.
◗ 400 ml klappermelk
◗ 45 ml (3 e) sojasous
◗ 5-10 ml (1-2 t) tabascosous na smaak
◗ 15 ml (1 e) bruinsuiker
◗ 5 ml (1 t) sout
◗ 2,5 ml (½ t) fyn witpeper
◗ 5 ml (1 t) masala
◗ 150 ml kondensmelk, yskoud
◗ 1 kg varkboud of -blad, in 3 cm-blokkies gesny
◗ 12 repies streepspek
◗ 30 ml (2 e) suurlemoen-envinkelsout (sien resep regs)
1 Bring die klappermelk, soja- en tabascosous, bruinsuiker, sout, peper en masala tot kookpunt en laat kook 10 min. sodat die geure kan ontwikkel.
2 Verwyder van die hitte, giet in ’n glasbak en voeg die koue kondensmelk by. Roer goed deur en laat afkoel tot kamertemperatuur. Week intussen 6 kebabstokkies in koue water.
3 Giet die klappermelkmengsel oor die vleisblokkies en laat 1 uur marineer.
4 Ryg die vleis met die repies spek tussendeur geweef aan die geweekte stokkies.
5 Rooster 15 min. oor die kole of tot gaar en draai die stokkies gereeld. (Ek verkies dit om kebabs in ’n toeknyprooster gaar te maak.) Geur met die suurlemoen-en-vinkelsout en sit voor saam met ’n lekker slaai.
SUURLEMOEN-ENVINKELSOUT
You’re reading a preview, subscribe to read more.
Start your free 30 days