ONS LIEFDE BO ALLES OP DIE KASSIE
DIE dag toe hy sy hart op ’n mooi Amerikaanse toeris op sy tuisdorp aan die Wes-Rand verloor het, sou hy nooit kon dink dat hulle nou, vier jaar later, steeds op twee verskillende vastelande afsonderlike lewens sou lei nie – al het hulle intussen getrou en die ouers van ’n kleinding geword.
Nog minder sou Ronald Smith (32) kon droom dat hy en sy Amerikaanse vrou, Tiffany Franco-Smith (30), se liefdesverhaal vol struikelblokke miljoene TV-kykers van reg oor die wêreld week ná week voor die kassie vasgenael sou hou.
Al is hulle een van die gewildste paartjies in die Amerikaanse werklikheidsreeks , wat hier by ons op DStv se TLC-kanaal te sien is, sê Ronald die
