Gyseldrama om die kampvuur

Ons ken die mense eintlik net van sien, maar aan die begin van die jaar hou my kind se skool ’n piekniek op die rugby-veld en ons, mooi getrou aan Covid-19-regulasies, gooi ons kombersie 2 m van hulle s’n af oop. Ons dogter en hulle seun verskil ’n jaar, en ons het nog nooit regtig met mekaar gekuier nie.

Maar dit is die doel van die skoolpiekniek: om ’n bietjie met die ander ouers te meng. En dit is toe presies wat ons doen.

Kort voor lank is ons lekker aan die gesels, en toe ek vir buurman vertel wat ek vir ’n lewe doen, raak hy kinderlik opgewonde. “Ons moet gaan kamp!” sê