SKEITYD IN DIE GRYSHEID
HULLE het skynbaar alles gehad: ’n sterk huwelik, drie kinders, genoeg geld om te koop wat hul hart begeer en ’n filantropiese stigting wat vir hulle ’n doel gegee en respek besorg het.
Die wêreld was dus geskok toe Bill en Melinda Gates aankondig hulle kan hul huwelik nie meer maak werk nie. Wat? Nie eens hulle nie? Ná soveel jare saam?
Maar die Gates-egpaar volg die weg wat ál meer pare volg. Hul egskeiding het almal dalk verbaas, maar die twee is nog ’n voorbeeld van ’n neiging van mense wat later in hul lewe skei. Die tendens het so toegeneem dat ’n frase geskep is om ouer ekse te beskryf: die “silver splitters”.
Met dié dat ál meer
