ons wêreld
Vroeglente
Die jaar word ryp in goue akkerblare, sê N.P. van Wyk Louw in sy gedig “Vroegherfs”. Hier flikflooi herfs vir oulaas met die bietjie somer wat oor is, maar aan die ander kant van die planeet, in Japan, het lente se kersiebloeisels (sakura in Japannees) die landskap vir ’n paar dae in ’n sprokieswêreld van wit en pienk omtower. Vanjaar was die bloeisels die vroegste in 1 200 jaar,
