MY PLEKKIE BY DIE SEE
JY SIEN geen teken van die somber vrou met die wêreld se laste op haar skouers toe Marguerite van Eeden die veiligheidshek van haar woonkompleks in Kaapstad oopgooi nie.
Anders as haar karakter in die nuwe kykNET-drama Afgrond is die aktrise die ene energie, kwinkslae en grappies terwyl sy rats met die trap na haar woonstel optrippel. Hier staan die reusevensters op dié windstil, snikhete somerdag wawyd oop. Dit kyk uit op Seepunt – die bedrywige, kosmopolitaanse buurt waar sy haar verlede jaar kom vestig het om ’n nuwe hoofstuk in haar lewe aan te pak.
Die see is so te sê op die voorstoep van haar nuwe tuiste, waar Marguerite verlede November ingetrek het. En al is die water van die Atlantiese Oseaan ysig, durf sy dit se karakter Hannelie, ’n regsassistent wat deur haar bestuurder seksueel mishandel word.
