Kies quiche vir ete
Diep quiche met gekaramelliseerde uie, tamatie en kaas
■ 1 hoeveelheid broskorsdeeg (sien “kassie” op bladsy 75)
■ 3 groot uie, dungesny
■ 45 ml botter
■ ’n Skeut olyfolie
■ ’n Skeut water
■ 30 ml vrugteblatjang
■ Sout en varsgemaalde swartpeper
■ 500 g kersietamaties
■ 250 ml gerasperde cheddarkaas
■ 30 ml vars pietersielie, gekap
■ 1 hoeveelheid eiervla (sien “kassie” op bladsy 75)
Voorverhit die oond tot 200 °C. Smeer of bespuit ’n dieperige losboomquichepan van 20 cm en voer met die deeg uit. Volg die metode in die “kassie” op bladsy 76 om die deeg blind te bak.
Terwyl die deeg bak, braai die uie stadig in die botter en olyfolie tot goudbruin. Voeg ’n skeut water by, bedek en laat stowe stadig vir ongeveer 10 minute. Roer die blatjang by en skep uit in
