ONS DOODSANGS TOE BYE ONS TAKEL
HIER op die houtdek van die Pretorius-gesin se huis in Mbombela word die Laeveldse stilte skielik deur die sesjarige Joané se gille versteur. Haar ouers, Carl (32) en Jorina (28), is dadelik by om te troos. Die rede vir haar angs, ’n enkele heuningby, het al weggevlieg, maar klein Joané ruk soos sy huil.
Die egpaar verstaan hul dogtertjie se paniek oor die enkele by maar te goed, want die hele gesin van vyf het onlangs by die dood omgedraai toe hulle deur ’n swerm verwoede Afrika-heuningbye toegetakel en honderde kere gesteek is.
“Ons gaan almal vir berading ná wat met ons gebeur het. Ons probeer steeds tot verhaal kom,” sê Carl
Jorina, haar arms nog rooi en opgehewe waar die bye haar gesteek het, beweeg moeilik. “Hulle was oral. Dit het omtrent vyf uur
