’N MAN SOOS …
Ek staar weer na die leë bladsy voor my op die eetkamertafel. Ek kan my ma se besorgde kyk teen my kop voel. Ek sug en dit voel soos die duisendste keer daai dag. Ek hoor Ma saggies lag voor sy by my by die tafel aansluit.
“My liewe seun, jy sug asof jy die hele wêreld se probleme op jou skouers het. Wat gaan aan?”
“My huiswerk,”sê ek gefrustreerd.“Ons het vandag ’n opstel vir Afrikaans gekry.”
Ma gee my ’n kyk wat sê: So wat is die probleem?
Ek sak my kop in my hande, blaas stoom af en sê:“Die tema is‘’n Man soos …’
“Ek sien,”sê Ma en is vir ’n oomblik stil.“Jy het baie
