DIE KAAP SE JONGSTE DJ
HAAR vingers dartel behendig oor die knoppies en verstel hier en draai daar terwyl die gedoef-doef van die ritme om haar opklink. Sy is so kommerkoel en selfversekerd soos ’n veteraanplatejoggie – al is sy net ses jaar oud.
En klein Sophia Petersen maak inderdaad naam as die jongste DJ in die Kaap
Maar waar sy nou tussen haar trotse ouers in hul huis in Athlone, Kaapstad, sit, lyk dié wonderkind so skaam soos enige gr. 1’tjie.
Haar ma, Sharna (36), moedig haar sagkens aan om te vertel waarom sy so versot is op musiek, maar Sophia
