E-pos UIT SWAKOPMUND, NAMIBIË

Hoe het jy in Namibië beland?

Ek en my man, SP, was albei troufotograwe in Pretoria toe hy vier jaar gelede die geleentheid kry om by ’n myn naby Swakopmund te werk. Sy ouers woon hier en die familie hou elke Desember hier vakansie, so dit was darem nie te vreemd nie. Swakopmund is ’n rustige (en mistige) kusdorpie en baie veilig. Jy kan met jou fiets winkel toe ry en selfs saans rondstap en nie bang wees nie. Die land het my verstom met die natuurskoon en vriendelike mense, so ons het nie twee keer gedink om te trek nie.

Wat doen jy en hoe het Covid-19 jou werk geraak?

SP het ’n graad in meganiese ingenieurswese en ek ’n honneurs in grafiese ontwerp. In Suid-Afrika het ons ons eie onderneming,

Nifty Studio, begin waar ons in die neem van troufoto’s en -video’s gespesialiseer het. Toe SP by die myn begin het, het ek voortgegaan om die besigheid hier uit te bou en ons werk nog so elke nou en dan in Suid-Afrika (’n lekker verskoning om te gaan kuier). Ná baie vlugte