IN MY OUPA SE VOETSPORE
EEN keer per maand en elke Desembervakansie is die motor gepak en het die gesin die pad na hul oupa en ouma se plaas in Noordwes gevat.
Hy het in die middel gesit, onthou Pieter du Plessis, met sy broer, Ross, en suster, Helene-Marie, aan weerskante van hom. Wanneer die bome op die pad tussen
hul huis in Vaalpark in die Noord- Vrystaat en Rysmierbult in Noordwes by die vensters begin verbyflits het, het ’n opgewondenheid hom beetgepak. Want daar op die plaas Semoêr kon hy ure lank in sy oupa, die bekroonde skrywer en dramaturg PG du Plessis, se studeerkamer deurbring.
Dié vertrek was apart van die huis, in ’n donker klipgebou met die lig wat deur die vensters instroom.
Die reuk van tabak het in die vertrek gehang en teen een
