BRIEWE

GEEPRIVATE SEKTOR ’N KANS

Volgens mense wat kennis dra van ondermaanse aangeleenthede, soek die duiwel sy volgelinge veral onder ledige mense, want dit is waar sy groot suksesse vandaan kom. As dit waar is, is Suid-Afrika tans ’n paradys vir Beëlsebub en sy agente. Werkloosheid, veral weens Covid-19 se gevolge, is op pad na 50% van dié wat wil werk. Die gevolge hiervan, nou en in die toekoms, is ’n skrikwekkende toedrag van sake.

Goeie nuus is baie skaars. Daarom is die artikel “Spensplaas wil gemeenskap voed” (L BW , 13 Augustus 2020) ’n ligpunt. Dit is die verhaal van me. Celia le Roux van die plaas Domein Doringkraal by De Rust se projek om grond en water aan behoeftige gemeenskapslede beskikbaar te stel om voedsel te produseer.

Sy het die idee by iemand anders gekry,