Kontrei kos

Weskus

 Daar is ’n eerlikheid aan die mense van hierdie streek wat jy op ’n myl ver kan herken. Hulle lewe na aan die aarde en is uitgelewer aan die genade van die see. Die geur van bokkoms begroet jou gereeld wanneer jy die kusdorpies binnery. Dis veldkos soos duinspinasie en sandkool wat deesdae op almal se lippe is. Maar die ware juweel is snoek, uniek aan die koue waters van die kus. In hierdie einste see word deesdae groot geboer met mossels en oesters om ons seekosbronne volhoubaar aan te vul.

Kalahari

Ek sal altyd ’n sagte plek hê vir hierdie grootwordstreek van my. Met sy bloedrooi duine en soutpanne wat strek so ver jou oë kan sien, weet jy, hier is