Prentjies van hoek tot kant!
WIE WOON HIER? Mercia Kruger
WAAR Paarl
GROOTTE 270 m²
GRONDTIPE Leem
Mercia Kruger van die Paarl hou daarvan om prentjies in haar tuin te maak – maar sy koop feitlik nooit iets nuuts om dit te doen nie.
“Daar is altyd een of ander bouery in die buurt aan die gang. Dit is ongelooflik hoeveel goed mense weggooi wat dan op ’n hoop bourommel beland: halwe baksteentjies, ’n gekraakte plaveisteen, ’n mooi stomp of ’n pot met ’n bars,” verduidelik sy. “Ek maak alles bymekaar want daar’s altyd nut daarvoor in my tuin. Toe my man, Riaan, nog geleef het, het hy gereeld gevra: ‘Waar tel jy nou weer al daai goed op
