Die Q-faktor
As jy ’n klip gooi na elke hond wat blaf, het wyle Winston Churchill gesê, sal jy nooit jou bestemming bereik nie. Dis hoekom die Italianers agter geraak het in die motorbedryf. Hulle kan oor die kleur van ’n glas wyn begin stry en dan’s die res van die dag verby. Of dikwels is einste glasie oor middagete so lekker dat daar nog ’n bottel volg.
La dolce vita is Italianers se brood. Die soete lewe geniet voorrang.
Die bestemming kan wag.
Reguit lyne en ronde vorme
Nou’s daar ook die ding tussen reguit lyne en geronde vorme, soos in die argitektuur: Lang, plat horisontale basislyne waaruit vertikales ten hemele skiet, plus vierkantige deure en vensters, dalk met geronde halfmaanvorme daarbo (“lunettes” of “oogkleppe”) plus patryspoortvensters hoog op in die struktuur.
En as die dak nie plat of hellend of getoring is nie, is dit waarskynlik gekoepel.
Elk van hierdie vorme word in Brunelleschi se fantastiese Florentynse katedraal vasgevang, of in Milaan se Galleria Vittorio Emanuele II-winkelsentrum met sy fassinerende yster-en-glas- gewelfde arkade-dakke, plus ’n glaskoepel bo die interseksie van
