Van ottertjie tot ratel
Dis ’n binêre wêreld. Dis nul of een. Daar’s weeldevervaardigers en massavervaardigers. Weeldemotors is groot. Massamotors is klein.
Dit ruweg nou in die Ou Wêreld. Skaarsheid is ’n item uit die weeldekas, en ruimte in Europa is skaars. Net rykes kan huise en Mercedesse bekostig. Armes woon in woonstelle en ry Renaults, Peugeots en Fiats.
Met ’n oorvloed aan ruimte baar die Nuwe Wêreld egter vars moontlikhede, veral via ’n belofte dat die massamens óók “groot” kan koop; ’n huis eerder as ’n woonstel, ’n erf-op-wiele eerder as ’n mobiele voëlkou. Chevs en Fords was dikwels massief.
Oor die laaste halfeeu het Japannese en later Koreaanse vervaardigers juis hierdie nis progressief in die Nuwe Wêreld (waarvan Suid-Afrika en Australië deel is)
