‘Boys, gaan speel en geniet dit’
Saterdag, 24 Junie, 1995
’n Hoofletterdag in die land se geskiedenis.
Die dag toe die nuwe Suid-Afrika sy bors vir die wêreld kon uitstoot – as land met ’n nuwe demokrasie, die Reënboognasie wat aan die suidpunt van Afrika verrys het én as rugby se nuwe wêreldheerser. Dit was die dag toe die Springbokke die All Blacks in die Wêreldbekereindstryd verslaan het.
Daardie dag het egter om meer as bloot rugby gegaan. Die Hollywoodlegende Clint Eastwood gee met sy fliek Invictus, met Morgan Freeman (Nelson Mandela) en Matt Damon (Francois Pienaar) in die hoofrolle, aan ’n wêreldgehoor ’n blik daarvan.
“Ek het altyd vir meneer Mandela bewonder en was verstom toe ek die teks gelees het oor hierdie gebeurtenis, want dit was so ’n kreatiewe wyse om ’n land, wat basies op die randjie van ’n burgeroorlog was, te verenig,” het Eastwoord vroeër in
