IN DIE BOK-BINNEKRING
DIE geheim van hoe ’n groep Suid-Afrikaners uit verskillende agtergronde die kampioene van wêreldrugby geword het, lê in daardie een onvergeetlike drie opgesluit.
Dié toneel uit verlede jaar se Wêreldbekereindstryd is in ons herinnerings vasgebrand: Malcolm Marx, die seun van ’n Oos-Randse enkelma, duik ’n Engelse teenstander so hard dat die bal uit sy hande spat. Dan raap Lukhanyo Am, van King William’s Town op die Oos-Kaapse platteland, die bal op en gee dit vir Pieter-Steph du Toit. Dié blonde breker van ’n Swartlandse wynplaas storm vorentoe en gee uit na Cheslin Kolbe. En dan laat dié blitsbuks van Kraaifontein naby die Kaapse
