TERUG SKOOL TOE OF NIE?
Toe pres. Cyril Ramaphosa op 24 Mei aankondig die land is vanaf 1 Junie in fase 3 van die lockdown en dat geen ouer gedwing sal word om hul kinders terug skool toe te stuur nie, het talle ouers die strop om hul nekke al hoe nouer voel trek…
Want met dié woorde het die president die besluit (en dus die verantwoordelikheid) 100% terug in ouers se hande geplaas. Dis dus nie uiteindelik nie die regering wat oor jou kind se gesondheid of skoolloopbaan sal moet besluit te midde van ’n dodelike virus nie – nee, dis nou jy, die ouer.
Hierdie realiteit wil jou amper versmoor, want ouers het nou letterlik hul kinders se lewens én toekoms in hul hande.
Ouers van graad 7- en 12-leerders was eerste aan die beurt, want ingevolge die plan wat Angie Motshekga, minister van basiese onderwys, aangekondig het, het skole eerste vir hulle heropen. Teen druktyd was dit egter nie bekend watter ander grade volgens dié departement se gefaseerde benadering volgende kon terugkeer skool toe nie.
Ouers in veral bruin en swart gemeenskappe worstel met die besluit om hul kinders terug te stuur skool toe, want hulle wéét opvoeding beteken letterlik die verskil tussen ’n lewe van vooruitgang en agtergeblewenheid. En die lockdown het reeds gewys dis weereens kinders uit minderbevoorregte gemeenskappe wat aan die kortste end trek, want waar hul bevoorregte eweknieë wat toegang het tot die internet, rekenaars of slimfone kon aangaan met hul skoolwerk, kon hierdie kinders nie en is hulle reeds agter.
Verskeie onderwysers het bogenoemde realiteit aan Kuier bevestig.
As ouer
