Windswaeltjie

Egmont Sippel, maar sports lewer die kleine Suzie steeds in hope.

Dis ’n lang geskiedenis en ons gaan nie nou daardeur hard-loop nie. Maar een of twee hoogtepunte skets ’n betekenisvolle agtergrond.

Byvoorbeeld: Dat Michio Suzuki sy sakebelange in 1909, ’n dekade en ’n half voor Sakichi Toyoda, in Hamamatsoe, Japan, sou vestig. Albei entrepreneurs se vertrekpunt was weefgetou, maar Toyoda het syne geoutomatiseer. In 1933 stig hy selfs ’n onderafdeling vir motorbou en plaas sy seun, Kiichiro, in beheer.

Vier jaar later roep Soichiro Honda ’n maatskappy genaamd Tōkai Seiki in’t le-we om suierringe aan Toyoda se motors te verskaf. In dieselfde jaar word Toyoda se motormaatskappy as Toyota geregistreer; met ’n “t” het die naam ’n gelukkige-agt penstroke pleks van tien geverg.

Einste in 1937 bou Michio Suzuki ’n paar innoverende kompakte motorprototipes. Waterverkoelde vierslag-viersilinders spog selfs met aluminiumblokke. Suzuki opereer aan die voorpunt van motoringenieurswese.

En toe kom die oorlog.

Motorfietse en die Jimny

Met die na-oorlogse hervatting bou Suzuki, nes Honda, knapsak-enjins vir trapfietse. So begin ’n roemryke wielegeskiedenis vir albei; 1952 lewer Hamamatsoe se eerste motorfiets op, en 1962 ’n eerste wêreldtitel in