Ons lewens ná die ANC
Met die lees van Frans Cronje se uitstekende nuwe boek, The Rise or Fall of South Africa, is ek getref deur die omsigtigheid waarmee hy verskillende moontlike toekomste vir Suid-Afrika oorweeg – ’n omsigtigheid wat nog treffender is gegewe die gehalte van spesialiste en data waarmee hy werk om sy toekomsperspektiewe te ontwikkel.
Oor die jare is ek self in my pogings om Suid-Afrika te verstaan sterk beïnvloed deur die groeiende getuienis wat Cronje en sy kollegas by die Suid-Afrikaanse Instituut vir Rasseverhoudinge aanbied dat die meeste Suid-Afrikaners gematig is, goed met ander rassegroepe oor die weg kom, belangstel in werkskepping en veiligheid, en nie juis ooghare het
