Eet lekker gesond!
ONS grootste uitdaging tydens die inperking en die coronakrisis is om ons geliefdes veilig en gesond te hou. Versterk hulle deur etes met voedsame bestanddele te berei wat hul immuunstelsel ’n hupstoot kan gee.
Die leefstylsjef Izelle Hoffman se nuwe boek, Mindful Eating, sal jou in dié tyd help. Dis nie net propvol inligting oor die gesondheidsvoordele van alledaagse kos en bestanddele nie; sy wys ’n mens ook om gesonde kos te kook kan prettig en maklik wees.
OOSTERSE HOENDER
Ideaal saam met ’n slaai, roostergroente en basmatirys of quinoa.
GENOEG VIR 4-6 MENSE
BEREIDING: 25 MIN.
GAARMAAK: 45 MIN.
◗ 2 groot stingeluie, in blokkies gesny
◗ 1 klein rooi soetrissie, ontpit en in blokkies gesny
◗ 1 klein geel soetrissie, ontpit en in blokkies gesny
◗ 1 klein groen soetrissie, ontpit en in blokkies gesny
◗ 5-6 hoenderfilette of 9 boudjies en dye
◗ 30 ml (2 e) olyfolie
◗ 60 ml (¼ k) warm water
◗ gekapte vars koljander en stingeluie vir garnering
SOUS
◗ sap van 1 lemmetjie
◗ 60 ml (¼ k) sojasous
◗ 30 ml (2 e) rou heuning
◗ 30 ml (2 e) olyfolie
◗ 2,5 ml (½ t) fyngemaakte knoffel
◗ 17 ml (1 opgehoopte eetlepel) sesamsade
◗ 2,5 ml (½ t) woestynsout
◗ 2,5 ml (½ t) fyn swartpeper
◗ 2,5 ml (½ t) fyngemaalde vars gemmer (opsioneel)
◗ ’n hand vol gekapte vars koljander
Voorverhit die oond tot 200 °C en bespuit ’n oondskottel met kossproei.
Versprei die gekapte stingeluie en soetrissies op die skottel. Giet die warm water oor. Bedek met foelie en bak 30 min., verwyder die foelie en bak onbedek nog 15 min. Verf die sous af en toe oor die hoenderstukke.
